26 Januarie 2024

So lyk die itemlys van basiese kruideniers-, toiletware en skoonmaakmiddels wat in De Eike se spens benodig word om lidmate in ‘n krisissituasie te help. Hierdie lys is saamgestel deur na verskeie noodlenigingsorganisasies se programme te kyk.

Ander items word ook met groot waardering ontvang, maar die fokus bly die basiese lys, en aankope word op grond daarvan gedoen.

 

  1. Langlewemelk / melkpoeier
  2. Koffie
  3. Swart tee / Rooibos
  4. Suiker
  5. Mieliemeel / kitsmeel / hawermout
  6. Ontbytgraan
  7. Koekies / lekkers
  8. Koekmeel / bruismeel
  9. Sopmengsels / suikerbone / koring / samp
  10. Soppoeiers / Cup A Soup
  11. Pasta: macaroni / spaghetti / Maggi
  12. Rys
  13. Soya
  14. Sout / peper
  15. Ekstrak – bief / hoender / tamatiepasta
  16. Speserye
  17. Kruie
  18. Tamaties – heel / gekap / puree / gemeng
  19. Peulgroente / gebakte bone / botterbone / lensies / ertjies
  20. Gemengde groente / mielies
  21. Bully Beef
  22. Sardyne / sardientjies
  23. Tuna
  24. Vrugte
  25. Grondboonbotter / konfyt
  26. Kookolie
  27. Tandepasta
  28. Lyfseep
  29. Toiletpapier / sneesies
  30. Deodorant
  31. Velroom / Vaseline
  32. Sjampoe
  33. Sanitêre ware
  34. Skottelgoedseep (sponsies / lappies)
  35. Wasgoedseeppoeier / Sunlightseepkoekies

Die projek word met diskresie(die linkerhand weet nie wat die regterhand doen nie) en verantwoordelikheid behartig. Jy kan self ook ongesiens betrokke raak deur op ‘n Sondagoggend ‘n blikkie ertjies of ‘n liter melk in die mandjie by die deur te sit of enige dag‘n winkeltrollie vol kruideniersware by die konsistorie kom afgee.

De Eike se lidmate ondersteun die projek ook finansieël.

Dis inspirerend om te sien hoeveel julle omgee en hoe graag julle wil help! Julle is die hart van hierdie aksie en die dienswerkers, blokleiers en dominees is die hande en voete, wat seker maak dat n lidmaat nie swaarkry en op moedverloor se vlakte beland nie – ‘n ware getuienisaksie.